Екипата Мега баскет последниот меч во кошаркарската Трета лига Б-група го имаше на 25 февруари, кога во 12. рунда дома со 71:66 ја совлада скопската Спарта. Следниот викенд беше слободен за прилепчаните поради непарниот број екипи, а за утре требаше да има меч со Албес во Скопје. Но и овој натпревар отпаѓа, бидејќи стигна информација дека Албес е исклучен, одлука како последица на непримерно однесување на два претходни меча. Така, Мега баскет службено победува и има три недели одмор до 18 март, кога дома ќе игра со скопски ИБА баскет.
Потсетуваме дека лани Мега баскет беше исклучен, а за таа одлука се сметаше дека придонес има токму скопски Албес.
