Квалификациите за ЕП почнаа, а првиот натпревар од висок ризик ќе се игра во соседството, В понеделник (20,45 ч.) во Подгорица е дуелот Црна Гора – Србија од Г-групата. Претходно Црна Гора со 1:0 ја совлада на гости Бугарија, а Србија дома со 2:0 беше подобра од Литванија.
За овој соседски дуел Црна Гора – Србија, дуел на две држави кои до пред 17 години беа во иста федерација, подготовките се од претходниве денови. Со оглед на тоа што овој натпревар е од висок ризик, полицијата најави несекојдневна акција за време, но и пред и по него.Полицијата реши да го снима натпреварот, што е ретка практика, а поригорозни проверки ќе се вршат на самиот влез на стадионот.Снимањето ќе започне во 15 часот, иако натпреварот започнува во 20:45 часот, а ќе се снима и по натпреварот, до полноќ.
„Согласно одредбите од Законот за спречување на насилство и недолично однесување на спортски настани, имајќи го предвид фактот дека спортскиот настан е прогласен за настан со зголемен безбедносен ризик, купувањето билети ќе биде дозволено само со документи за идентификација ( лична карта, патна исправа).Влезот на Градскиот стадион во Подгорица ќе биде дозволен само со валидни билети“, се вели во соопштението на Полициската управа.
И УЕФА претпоставува дека ќе биде тензично на овој меч, па го испрати еден од најдобрите судии Французинот Клемент Турпин.
