Балканскиот шампионат во џудо за кадети на 9, 10 и 11 јуни ќе се држи во Крушево. Ова е најновата одлука на Џудо-федерацијата на Македонија. По овој повод, задутре (четврток) во хотелот „Монтана“ во Крушево ќе се одржи прес-конференција. На неа, меѓудругото, ќе се потпише договорот помеѓу Општина Крушево, претставена од градоначалникот Томе Христоски и Џудо-федерацијата на Македонија со претседателот Владимир Трпаноски, во присуство на членовите од Организациониот одбор.
На прес-конференцијата ќе биде претставено официјалното лого и другите детали во врска со Балканскиот шампионат во џудо за кадети.
