Победа и дефинитивно е второлигаш откако попладнево дома загуби со 0:4 од Скопје. Резултатот сам кажува што се случуваше на Градскиот стадион „Гоце Делчев“ во Прилеп. Како Победа да го имаше против себе шампионот, а не претпоследниот на табелата. Прилепскиот тим до 80. минута не упати ниту еден удар, за разлика од гостинот кој имаше 12 удари, четири гола (Азер Омерагиќ 35, Миле Тодоров 37, Бујар Хајдари 74, Бесмир Даци 79) и две стативи. Според снимката, се чини дека вториот гол беше од офсајд-позиција. Но, ова, се разбира, не е момент што ја оспорува гостинската победа.
При крајот на мечот Победа остана со девет играчи, бидејќи Јорданчо Наумоски доби црвен картон, а Филип Стомнароски се повреди.
Интересно е и тоа што на полувреме во домашниот тим беа извршени сите пет измени, па од вкупно 16 што настапија 8 беа младинци.
ПОБЕДА: Котевски (46. Мариновски), Стомнароски, Алиу (46. Дебрешлиоски), Кудијан, Дадет (46. Фавахри), Аризанкоски, Трајкоски (46. Кочоски), Петковиќ, Наумоски, Кофиловски (46. Миланоски), Ѓурковиќ. Тренер: Благојче Дамевски.
СКОПЈЕ: Ефтимов, Блажевски, Даци, Омерагиќ (46. Хајдари), Божиноски, Чурлинов (79. Абази), Џејмс (63. Настевски), Најдоски, Рашид, Тодоров (79. Пеев), Мусинга (63. Митревски). Тренер: Мирсад Јонуз.
РЕЗУЛТАТИ: Победа – Скопје 0:4, Силекс – Шкупи 0;2, Брегалница – Струга 0:3, Тиквеш – Работнички 1:3. ВЧЕРА: Шкендија – Македонија ЃП 3:1.
TАБЕЛA: Струга 59, Шкендија 54, Шкупи 52, Силекс 44, Брегалница и Македонија ЃП 36, Работнички 34, Тиквеш 31, Академија Пандев 26, Скопје 22, Победа 13.
ИДНО 31. КОЛО (7 мај во 17 ч.): Македонија ЃП – Победа, Академија Пандев – Тиквеш, Работнички – Брегалница, Струга – Силекс, Шкупи – Шкендија.
ВИДЕО-ИЗВЕШТАЈ НА СЛЕДНИОТ ЛИНК:
