Попладнево (17 ч.) е последното коло од Првата фудбалска лига на Македонија, Табелата е безмалку непроменлива, се знае кој отпаѓа, кој е шампион и во горниот дел од табелата. Според ова, сите пет денешни меча се како пријателски, без натпреварувачко значење. За Победа останува обврската да одигра дома со Тиквеш. Потоа е разделбата со прволигашкиот и преселбата во второлигашкиот ранг. Наредени се 13 пораза во серија па останува да се види дали барем ќе се избегне 14-тиот.
ДЕНЕСКА ОД 17 ЧАСОТ: Победа – Тиквеш. Скопје – Брегалница, Академија Пандев – Силекс, Работнички – Шкендија, Струга – Шкупи.
ТАБЕЛА: Струга 65, Шкупи 58, Шкендија 54, Силекс 47, Македонија ЃП 39, Брегалница 38, Тиквеш и Работнички 37, Академија Пандев 27, Скопје 22, Победа 13.
