Хуманитарниот турнир во мал фудбал „Свети Никола“ во Прилеп, почнува в петок, во 18 часот, а ќе се одвива во две сали – салата на ООУ „Добре Јованоски“ (за пионерите од 7 до 12 години) и во салата на СОУ „Ристе Ристески – Ричко“ (за сениорите). Цената на влезниците е 50 денари, а собраниот приход е за хуманитарни цели. Меѓу новитетите на турнирот е воведувањето ВАР-систем во четвртфиналните, полуфиналните и финалниот меч. При секој спорен момент, ќе има прегледување на снимка, и дури потоа конечна одлука на судиите.
Турнирот од 8 до 24 декември е во организација на Општина Прилеп, компанијата „Комфи ангел“ и Здружението на спортови „Марков град“.
