Во Битола се одржа Меѓународен шаховски брзопотезен турнир „Шах-шех и соседите“ со 58 учесници од Македонија, Грција и Србија. По 9 кола победник е прилепчанецот Кире Николоски со 7,5 поени. Прво постигна серија победи со Зоран Јовановски, Лазар Рајчовски, Алит Абдији, Грците Јоанис Минас и Ахилеас Спирлиадис, како и со Горан Симовски, потоа ремизира со сограѓаните Дејан Ѓорѓиески и Симон Пазевски, како и со Гркот Лазарос Гимнопулос.
На горните 10 места од табелата се: Кире Николоски со 7,5 поени, Ахилеас Спирлиадис и Лазарос Гимнопулос со по 7, Симон Пазевски, Јоанис Минас и Никола Николовски со по 6,5, Дејан Ѓорѓиески, Горан Симовски, Константин Лучески и Марјан Дамчески со по 6.
