Општинскиот фудбалски сојуз на Прилеп има нов член, Клубот за мал фудбал Победа. Со ова градот по долго време добива клуб во футсалот, спорт кој произлезе од малиот фудбал. Засега малку податоци има за КМФ Победа. Освен името, се знае кој е амблемот, како и претседателот – Никола Трајкоски. Натаму се очекува изборот на тренер и играчки кадар. Клубот е пријавен за учество во Втората футсал-лига на Македонија.
Наесен прилепските љубители на футсалот оваа екипа ќе можат да ја гледаат во салата од СОУ „Ристе Ристески – Ричко“.
