Одреден е денот за стартот на подготовките на машкиот ракометен суперлигаш Прилеп. Тоа е среда, 26 јули. Тогаш новиот тренер Божидар Мојсов, шефот на Стручниот штаб ќе ја има првата средба со играчкиот кадар, за одржување и на првиот тренинг. Меѓу играчите се и петте засилувања – голманот Давид Ацевски (Јуниор КВ), средниот бек Црногорецот Драган Јелушиќ (Искра Бугојно – Босна и Херцеговина), пикерот Томче Трајчевски (Радовиш), левиот бек Никола Цветаноски (Струга) и десното крило Пеце Рајатовски (Голден арт).
Детали околу подготовките се очекуваат во следните денови.
