Заврши второто издание на Меѓународниот фудбалски турнир „Прилеп куп 2023“ за пионери од осум до 12 години. На стадинот кај Могилата четири дена се одвиваа натпревари меѓу 58 тима по бод и елиминациски систем за да се добијат најдобрите екипи и поединци.
Во групата за фудбалерчиња родени 2011 година, редоследот е: Пелистер (Битола), Јанг тим (Струга), Кичево. Најдобар играч е Димитар Анастасовски (Пелистер), голман Елијес Узеири (Јанг тим). Во групата 2012 победник е Пелистер, второ место Академија Еврогол (Прилеп), трето ЛГ Битола. Најдобар играч е Берат Фејзулаху (Академија Еврогол), голман Михаил Ѓероски (Пелистер). Во групата 2013 трите најдобри се: Пелистер, Талент (Битола), Јанг тим. Најдобар играч е Блерт Мемедов (Пелистер), голман Благојче Јанески (Талент). За 2014 победник е Фер плеј (Охрид), пред Перак (Прилеп) и Јанг тим. Најдобар играч е Александра Јосифоска (Фер плеј), голман Алексеј Тофилоски (Перак). Во најмалата возрасна категорија за деца родени 2015 редоследот е: Фер плеј, ЛГ Битола, Тони (Прилеп). Најдобар играч е Горазд Мартиноски (Фер плеј), голман Садем Ибраими (ЛГ Битола).
Наградата за најперспективно голманче е за 6-годишниот Марин Ристески (Победа), кое брани во групата за деца до 9 години.
Наградите ги врачија: Александар Крстески (некогашен фудбалер на Победа, сега спортски работник), Дарко Тофилоски (долгогодишен голман на Победа, сега на Беса) , Игор Николаевски (некогашен фудбалер на Победа, сега тренер на ФК Кичево), Јорданчо Наумоски (капитен на Победа), Миле Димов (поранешен фудбалер на Пелистер, сега тренер), Златко Цветаноски (поранешен играч на Пелистер, сега тренер) и Тони Наумоски (некогашен капитен на Победа, сега тренер на ФК Прилеп).
Организаторите ФК Прилеп и Општина Прилеп најдобрите ги наградија со пехари, медали, дресови, дуксери, пакети производи од Витаминка, а турнирот беше поддржан и од Кафетерија Корнер, Теко солар, Мертспортив Крстески, ОФС Прилеп.
