Денеска сите прилепчани очекуваа согурна победа на Победа, но тоа не се случи. На Градскиот стадион „Гоце Делчев“ во Прилеп , во 3. рунда од Втората фудбалска лига на Македонија, Победа – Охрид 0:0.
На овој меч иницијативата главно ја имаше домашниот тим, кој создаде и зрели шанси. Но, топката како да не сакаше да влезе во голот. И голманот Дамјан Серафимов неколкупати одлично одбрани, а кога тој не беше во таква можност топката прелета над гредата или покрај дирекот. И гостите на контри се заканија, но не беа снаодливи, а и домашниот тим имаше денеска расположен голман, Иван Николоски.
Овој резултат 0:0 е разочарување за навивачите и симпатизерите на Победа. Меѓутоа, на ред пак е дуел дома, со Осогово, така што бргу ќе се врати надежта за успешна есенска серија на подмладениот прилепски состав.
ПОБЕДА; Николоски, Талески, Стомнароски, Кукески, Ивчески, Ј. Наумоски, Кочоски (94. Горгиовски), А. Петејчук, Алимоски (60. Д. Дебрешлиоски), Ф. Димоски, , Грозданоски. Тренер: Филип Мирчески.
ОХРИД: Серафимов, Ѓорѓиевски, Петрески, Цветаноски, Демири (94. Наумовски), Матески (70. Дишлиевски), Бакрачески (46. Нически), Скоко, Ѓоргоски, Лога, Кадриоски. Тренер: Петар Џигероски.
РЕЗУЛТАТИ: Победа – Охрид 0:0, Осогово – Башкими 2:3, Беласица – Тетекс 2:0, Новаци – Беса 1:4, Саса – Пелистер 0:3, Детонит – Арсими 1:0, Кожуф – Скопје 4:2, Караорман – Вардар (Н) 2:0.
ТАБЕЛА: Беса, Пелистер, Кожуф, Детонит и Башкими по 9, Победа и Охрид 4, Арсими, Караорман, Беласица, Новаци и Тетекс по 3, Скопје и Саса по 1, Вардар (Н) и Осогово 0.
СЛЕДНО 4. КОЛО (недела, 3 септември во 16 ч.): Победа – Осогово, Охрид – Вардар (Н), Скопје – Караорман, Арсими – Кожуф, Пелистер – Детонит, Беса – Саса, Тетекс – Новаци и Башкими – Беласица.
ВИДЕО-ИЗВЕШТАЈ НА ЛИНКОТ:
