Од денешен агол изгледа нешто неверојатно, но вистинито е – многу публика да се собере за натпревар помеѓу Борец и Победа во Велес. Тоа се случи на 28 октомври 1989 година. Дерби беше затоа што Борец првпат учествуваше во Третата југословенска лига, а Победа лидер на табелата, пред тоа 12. коло. Цела недела се правеа списоци за навивачите што ќе патуваат организирано, се собираа пари за превоз. Така – покрај многу автомобили, многу автобуси и воз со преполни вагони – сите стигнаа до Велес. На стадионот „Младост“ се собраа рекордни 6000 гледачи, меѓу нив околу илјада прилепчани. Убаво сончево време, борба на теренот. На крајот минимална победа на домаќинот од 1:0, но спомен остана амбиентот.
За Победа одиграа: Зоран Мицевски, Дарко Крстески, Ѓоко Илијовски, Миле Димов, Владо Димоски, Златко Колароски, Тони Наумоски, Зоре Мојсоски (Горан Касниоски), Сашо Рајатоски, Марјан Стојкоски, Милан Тодороски, а тренер беше Јове Магдески.
