Одиграни се четирите меча од 1. коло на Б-групата од Општинската фудбалска лига на ОФС Прилеп. Најтесен резултат беше во Боротино, каде домашниот истоимен тим со 1:2 е поразен од Гарван Десово. Гостите поведоа со 2:0 со двата гола на Емран Имероски во 22. и 28. минута, а домашните го ублажија поразот со голот на Ангел Котески во 66. Во Сенокос домашната Црвена ѕвезда со 2:0 го совлада прилепско Корзо, со головите на Сашо Ангелески во 56. минута и на Горан Илиоски во 77. Во Дреновци Мукос со истиот резултат 2:0 беше подобар од Кадица Забрчани, со двата гола на Зоран Ристески во 9. и 76. минута. Во Кадино Село домашното Кадино со 6:0 го совлада Прилеп сити, каде стрелци беа Драган Спиркоски во 2., Леонид Шајкароски во 25. и 72., Даниел Велјаноски во 27., Николче Неделкоски во 42. и Бојан Самарџиоски во 73. минута.
РЕЗУЛТАТИ ОД 1. КОЛО
СЛЕДНО 2. КОЛО
