Преубав одбојкарски женски кадетски турнир „11 Октомври“ се одржа во салата од СОУ „Ѓорче Петров“ во Прилеп. Покрај домаќинот, 11 Октомври, учествуваше уште еден прилепски тим – 11 Октомври 2008, како и гости од Битола (Пелистер волеј) и од Скопје (Мастер волеј).
Младите одбојкарки одиграа четири меча. Во првото полуфинале, 11 Октомври 2008 – 11 Октомври 2:0, а на второто Пелистер волеј – Мастер волеј 2:0. Во мечот за трето место, Мастер волеј – 11 Октомври 2:0.
Најинтересен беше финалниот дуел, Пелистер волеј – 11 Октомври 2008. Беше неизвесен до самиот крај, одлучуваа нијанси. Според тоа и конечниот резултат е тесен, 2:1 за Пелистер. Така – прв е Пелистер, втор 11 Октомври 2008, трет Мастер волеј, четврти 11 Октомври.
Од прикажаното можат да бидат задоволни сите тренери: Владимир Трифуновски (Пелистер волеј), Дејан Димоски и Здравко Ристески (11 Октомври 2008), Виктор Зафиров (Мастер волеј) и Глигурче Локвенец (11 Октомври).
