За денеска беше планирано 11. коло од Третата фудбалска лига – Југ, во чии рамки и мечот Ултрас – Марена, на вешташката трева во Прилеп. Меѓутоа, теренот имаше дебела покривка од снег, немаше услови за игра. Така беше и на останатите терени, па колото е одложено за 3 декември. Исклучок е дуелот одигран вчера во Градско, Локомотива – Борец 0:3 (стрелци Дејан Стефановски, Ѓунет Исеинов автогол, Милан Чичевски). Другите натпревари преместени за в недела се: Бучин – Младост, Слога – Големо Коњари и Росоман – Превалец.
ТАБЕЛА: Големо Коњари 24, Борец и Превалец 23, Росоман 16, Младост 14, Питу Гули и Марена 11, Слога 9, Локомотива и Ултрас 7, Бучин 0.
Денеска на теренот со вештачка трева во Прилеп не беа одиграни ниту натпреварите од 10. рунда на Супер-лигата на Македонија за млади категории фудбалери, односно дуелите меѓу помладите и постарите пионери на Победа и Работнички. За одигрување натаму останува и вчера прекинатиот меч од Првата женска фудбалска лига, Цевитана – Топ гол.
Денеска, сепак, ќе има фудбал во Прилеп. Станува збор за меч од 7. коло на Втората футсал-лига, Победа – Мал Ајакс од Штип, закажан за 19,30 часот во салата од СОУ „Ристе Ристески – Ричко“.
