Во главниот град на Србија во тек е Меѓународниот шаховски турнир „Трофеј на Белград“, на кој учествува и фидемајсторот Роберт Велески од Прилеп, рангиран на 44. место, меѓу 194 шахисти. Засега одлично се држи, по првите четири кола. Загуби само од ФМ Енкар Енкбатар од Монголија, а ги победи Саво Радовановиќ и Марко Радиќ од Србија, Ема Хитарјан од Ерменија. Денеска попладне игра против Вељко Шчекиќ од Црна Гора. Турнирот завршува в недела, со одигрувањето на деветтото коло.
На „Трофејот на Белград“ е уште еден Македонец, ФМ Љубомир Хаџи-Манев од Радовиш, кој досега има еден пораз, едно реми и две победи.
