Денеска на Хуманитарниот турнир „Свети Никола“, во салата на СОУ “Ристе Ристески – Ричко”во Прилеп, се вторите четири осминафинални мечеви, утре е четвртфиналето, в петок полуфиналето, в недела за трето место и финалето. Тоа се натпревари во машка сениорска конкуренција. Меѓутоа, организаторите – Општина Прилеп, компанијата „Комфи ангел“ и Здружението на спортови „Марков град“ , програмата ја збогатуваат со ревијален натпревар. Станува збор за дуел меѓу женски прволигашки екипи, Цевитана од Прилеп и Топ гол од Битола. Мечот е в петок.
Дуелите за трето место и финалето кај пионерите се в сабота.
