Напролет второлигашот Победа ќе има нов капитен, со оглед на најавата дека досегашниот, Јорданчо Наумоски – Оцко е на заминување. Заинтересираноста за него од други клубови не е никакво изненадување, ако се има предвид дека тој е меѓу играчите на прилепскиот тим со долга кариера, со многу натпревари и во највисокиот, прволигашки ранг. Денеска ни ја потврди одлуката.
– Точно е, заминувам. Сега се уште не е време да откријам за кој клуб станува збор, но многу скоро и тоа ќе се знае – ни рече Оцко.
Освен за Победа, 28-годишниот Наумоски има настапувано и за Тиквеш, Металург, 11 Октомври и во Данска.
