Многу далечна е 1976 година. Тогаш нашиот шахист Ванчо Георгиевски ги исполнил условите за стекнување на меѓународната титула ФИДЕ-мајстор, но таа не ја добил се до вчера.
– Чест ми е да објавам дека на мое големо задоволство, меѓународната шаховска титула, ФИДЕ-мајстор конечно пристигна во моите раце по повеќе од 40 години задоцнување. Имено, кога титулата ФИДЕ-мајстор во 80-тите години беше воведена, јас бев меѓу првите македонски шахисти кои ги исполнуваа критериумите за оваа титула, но поради одредени „пропусти“ на Шаховскиот сојуз на Југославија (ШСЈ) не ми беше потврдена по службена должност. Иако заслужена уште од 1976 година – појаснува Георгиевски, кој во кариерата има ирано и против светскиот шампион Анатолиј Карпов.
Ванчо Георгиевски, кој сега има 77 години и живее во Скопје, има играно и против светскиот шампион, Анаталиј Карпов..
