Викендов нема второлигашко коло, па вниманието е кон одредените санкции врз основа на црвените картони за екипата Победа, покажани на претходниот меч Новаци – Победа 2:2. Двајцата играчи кои добија црвен картон (два жолти), Никола Сарески и Александар Новески, нема да бидат во тимот на еден натпревар. Тренерот Јане Николоски поради тоа што доби директен црвен картон, нема да ја води екипата во траење од еден месец. Според ова, Сарески и Новески ќе паузираат само на следниот меч дома со Саса на 30 март, додека Николоски нема право да биде на клупата во следните три меча – дома со Саса, на гости со Детонит и дома со Кожуф.
Казните се и парични – црвениот по основа на втор жолт чини 50 евра, а директниот црвен е 100 евра.
