Утре (сабота) во 15 часот Победа игра со Саса, во 22. коло од Втората фудбалска лига. Очекувањето кај прилепскиот тим е за прв пролетен триумф, по четирите нерешени и двата пораза. Дали екипата на тренерот Јане Николоски ќе биде поуспешна од Саса, чиј гол го чува неговиот син Иван? На овој меч таткото Јане ќе биде на трибината од Градскиот стадион „Гоце Делчев“ во Прилеп, поради казаната за црвениот картон во Новаци, а од неговиот тим од истата причина – исклучување, ќе отсуствуваат и играчите Никола Сарески и Александар Новески, кои беа во стартната постава на тоа претходно гостување. За утрешниот меч се подготвуваат нивните замени.
Што се однесува до Саса, последна е на табелата, но има две победи во серија.
Табела: Беса 54, Пелистер 48, Детонит 45, Арсими 39, Скопје 34, Охрид 33, Башкими, Вардар Н. 28, Беласица 27. Кожуф и Новаци 24, Тетекс 20, Победа 19, Осогово 17, Караорман 15, Саса 14.
