Во Велес, на теренот со вештачка трева од Градскиот стадион, се одигра пријателскиот натпревар Борец – Победа. Прилепскиот второлигаш победи со 2:0, со головите на Дарио Спиркоски и Амил Табаковиќ. Ова беше последна, генерална проба, во пресрет на првенствената борба за бодови. И на претходниот тест-меч, со второлигашот Пелистер, Победа успеа да одигра 0:0, така што во подобрена атмосфера го чека стартот од пролетниот дел на Втората лига, в сабота, кога му гостува на Тетекс во Тетово.
Екипата на Борец, првиот пролетен првенствен меч во Третата лига – Југ, го има на гости, во Бучин.
ДВА – НУЛА НА „ГЕНЕРАЛКАТА“!
