Средата, 23 јули 1997 година, иако работен ден беше посебен ден за прилепска Победа и сите што го сакаат овој клуб. Тој ден е првиот настап, дебито на европската сцена, во Купот на УЕФА. Во рамките на претколото Победа првиот меч го одигра со полската Одра, во гратчето Водислав. Оттаму остана споменот преку една мала виолина, сувенир, со амблемот на клубот Одра.
Иако Победа беше сосема рамнопоравна во играта, по црвениот картон за Жилсон во 27. минута, домашните искористија три шанси и победија со превисоки 3:0, со головите на Полак, Палух и Носал.
ОДРА: Клода – Станиек, Шибик, Брзоза, Сович – Палух, Вјечорек (77. Плута), Вош (64. Носал), Скорупа – Полак, Загорски (69. Балужински). Тренер: Марчин Бохинек.
ПОБЕДА: Груевски – Грозданов (75. Хаџи – Василев), Ефремов, Ковачевиќ, Б. Нацев, Г. Најдески – Г. Лазаревски, Бочески, Жилсон – Боров, Оливеира. Тренер: Лазар Плачков.
На реваншот, и покрај гостинското водство преку Загорски, Победа победи со 2:1, со двата гола на Оливеира.
