Првата меч-топка за опстанок во Втората лига на Македонија екипата Победа не ја искористи. Денеска во Битола, во 29. коло, Пелистер – Победа 1:0. Стрелец е Ѓорѓи Танушев во 66. минута. По овој пораз од новиот прволигаш, второпласираниот на табелата, за прилепчаните остануваат грижите за опстанок и во последното коло. Всушност, в недела претстои втората меч-топка за Победа, дома со лидерот на табелата, исто така новиот прволигашм, Беса. На овој меч тренерот Јане Николоски нема да го води тимот, поради црвениот картон денеска во 91. минута од мечот во Битола. Потсетуваме: двата последни тима од табелата отпаѓаат, тимот над нив игра бараж за опстанок.
ПЕЛИСТЕР: Јовчевски, Ивановски, Крстевски, Костов (75. М. Дебрешлиоски), Грозданоски, Маневски (46. Танушев), Здравевски, Силјаноски, М. Наумоски (46. Трајковски), П. Љамчевски (65. Јошески), Миленковски. Тренер: Влатко Костов.
ПОБЕДА: Столевски, Новески (79. Арифи), И. Трајкоски (73. Тасески), Г. Димоски, Адили, Поп-Антоски, Ристов, Д. Шаркоски (86. Крајоски), Кофиловски (73. Паскоски), С. Спиркоски, Л. Петејчук. Тренер: Јане Николоски.
РЕЗУЛТАТИ: Пелистер – Победа 1:0, Тетекс – Охрид 2:1, Беса – Башкими 0:0, Арсими – Осогово 2:2, Скопје – Беласица 2:2, Вардар Н. – Новаци 2:1, Караорман – Саса 0:3, Кожуф – Детонит 0:0.
ТАБЕЛА: Беса 74, Пелистер 70, Детонит 57, Арсими 51, Вардар Н. и Охрид 42, Скопје 41, Беласица и Башкими 39, Кожуф 38, Новаци 31, Победа 28, Осогово и Тетекс 27, Саса 26, Караорман 15.
ПОСЛЕДНО 30. КОЛО (19 мај во 17 часот): Победа – Беса, Охрид – Кожуф, Детонит – Караорман, Саса – Вардар Н., Новаци – Скопје, Беласица – Арсими, Осогово – Пелистер, Башкими – Тетекс.
