Прилепските фудбалски симпатизери не можат без Победа, а Победа не може да се замисли без нив, така што и во оваа сезона се очекува добра посета на Градскиот стадион „Гоце Делчев“ во Прилеп. Затоа благовремено, на пет дена до првиот натпревар дома, одредени се цените на влезниците за два вида – поединечни и сезонски. Влезницата за секој меч поединечно ќе чини по 100 денари, а за сите вкупно во целата сезона (15 првенствени и за Куп) цената на сезонската влезница е 1.000 денари.
– Обезбедете го вашиот сезонски билет на ФК Победа Прилеп и поддржете ја нашата иднина! Со секој билет добивате блуза од Победа Прилеп! Вашето купување и помага на ФК Победа да обезбеди финансиска поддршка за претстојната сезона, осигурувајќи дека можеме да продолжиме да се натпреваруваме на највисоко ниво.
Продажни места: – Графика дизајн, – Релушко, – Кафе бар Мирор. Ограничена достапност – дејствувајте веднаш за да направите разлика! НИКОЈ КАКО ПОБЕДА ПРИЛЕП – е пораката од клубот.
Првиот меч дома е в сабота, 24 август од 16 часот, а гостува велешки Борец.
