Прилепска Победа врзува серија успешни резултати. По победата врз Вардар од Неготино на гостинскиот терен во Струмица од 2:1, денеска со 1:0 соваладано дома е Новаци. Стрелец на победоносниот гол е Давид Јошески, фудбалер кој има настапи и во прволигашката конкуренција, а неодамна се врати од Пелистер. По претходна течна комбинација (Марко Ристов – Стефан. П. Спиркоски – Никола Талески – Димитар Шаркоски) беше убаво проигран во празно, сврти налево, се ослободи од своите чувари на вешт начин и со сигурен удар го совлада гостинскиот голман. Голема радост на домашната публика пред крајот, во 84. минута!.
Претходно се водеше голема борба, со неколку зрели шанси на двете страни, а погодена двапати беше и гредата.
ПОБЕДА: Столевски, М. Талески, Ивчески, Андоновски, Н. Талески, Д. Дебрешлиоски (81. С. П. Спиркоски), Јошески, Кукески (51. Ристов), Кофиловски, Да. Спиркоски (70. Д. Шаркоски), Богевски. Тренер: Стојанче Дунимаглоски.
НОВАЦИ: Симоновски, Петкоски, Шабанов, С. Стефановски, Здравевски, Б. Стефановски (84. Сефедин), Торнески (56. Трифуновски), Пивковски, Јовановски, Милевски (65. Крклински), Исмаил. Тренер: Дарко Крстески.
РЕЗУЛТАТИ 9. КОЛО: Победа – Новаци 1:0, Брегалница – Вардар Н. 2:0, Борец – Детонит 0:0, Македонија ЃП – Кожуф 3:0, Арсими – Скопје 0:0, Беласица – Осогово 1:0, Охрид – Вардарски 3:0, Башкими – Саса 2:1.
ТАБЕЛА: Македонија ЃП 22, Брегалница 21, Башкими 20, Арсими 19, Охрид 16, Кожуф 15, Детонит 14, Беласица 12, Новаци 11, Победа 10, Саса и Скопје 9, Вардар Н., Осогово и Борец 5, Вардарски 2.
СЛЕДНО 10. КОЛО (вторник, 29 октомври, 13 часот): Саса – Победа, Вардр Н. – Новаци, Вардарски – Башкими, Осогово – Охрид, Скопје – Беласица, Кожуф – Арсими, Детонит – Македонија ЃП, Брегалница – Борец.
