Екипата Победа одлично тргна со новиот тренер Стојанче Дунимаглоски, со две победи – над неготински Вардар во Струмица (2:1 со головите на Дарио Спиркоски и Никола Талески) и врз Новаци дома (1:0 со голот на Давид Јошески), но три дена подоцна, во вторникот, се случи висок пораз од Саса во Каменица (4:1, со единствениот гол на Никола Талески). По оваа бело-црна слика за прилепската екипа, утре (сабота) дома е дуелот со Вардарски од Богданци, чиј тренер е некогашниот селектор Ѓоре Јовановски. Мечот е нова шанса за Победа со евентуален успех да се издигне место-две на табелата. Навивачите очекуваат сигурен триумф на екипата во која има одлични напаѓачи, како 19-годишниот Никола Талески (на сликата) со 6 постигнати гола есенва.
ДВОЈКИ 11. КОЛО (сабота, 2 ноември, 13 часот): Победа – Вардарски, Борец – Вардар Н., Македонија ЃП – Брегалница, Арсими – Детонит, Беласица – Кожуф, Охрид – Скопје, Башкими – Осогово, Новаци – Саса.
ТАБЕЛА: Брегалница 24, Македонија ЃП и Башкими 23, Арсими 20, Охрид 19, Кожуф 16, Детонит и Беласица 15, Саса 12, Новаци 11, Победа 10. Скопје 9, Вардар Н. 8, Осогово и Борец 5, Вардарски 2.
