Зошто Победа постигна само минимална победа од 2:1 над Осогово, во сите околности заслуга има и младиот 20-годишен кочански голман Матеј Андов. Тој најуспешната интервенција ја имаше во финишот од мечот, кога тројца домашни фудбалери беа во силен налет, кога непречени од никого го поминуваа центарот на теренот, па се очекуваше сигурен гол, но одеднаш како да „изникна“ Андов. Голманот со храбар лизгачки старт успеа топката да ја исфрли во аут, така што го спаси својот гол, иако 50 метри оддалечен од него.
Филозофијата учи дека во секое лошо има по нешто добро за секого – така и во минималниот резултат доброто за Победа е што ги освои трите бода, а за Осогово што покажа сила да даде отпор на кандидат за првото место, па оттука истото можеби ќе се случи токму на наредниот меч во Кочани со лидерот Слога.
