До крајот на плеј-аутот и борбата за опстанок во машката ракометна Супер лига остануваат уште четири кола, од кои првото од нив е денеска. Во Прилеп домашниот тим се среќава со Скопје. По победите со Струга и Радовиш, еве шанса за тимот на тренерот Горан Кузманоски – Таста и за трет триумф во серија. Ако победи, со новите три бода Прилеп би имал 12 и на тој начин претендира на второто место од табелата, каде е Струга со 11. Стружани имаат тежок ривал денеска во Пролет, кој досега има само победи во оваа фаза. Дуелот во прилепската сала „Ристе Ристески – Ричко“ го судат Исмаил Металари и Ненад Николовски, делегат е Ацо Николовски, сите од Скопје.
Вечерашниот меч од 18 часот може да се гледа на следниот линк:
