Некои спортски првенства завршија пред две недели, други викендов, а само на првенството од Третата фудбалска лига – Југ не му се гледа крајот. Тоа е така затоа што есеноска немаше натпревари поради т.н. пандемија, а пролетва се двата круга со вкупно 26 кола, од кои досега се одиграни 20. Фудбалот продолжува на задоволство на гледачите. Денешното коло е 21., во кое има дерби на првиот (Вардар со 50 бода) со вториот (Превалец со 45 бода). Дали лидерот ќе ја зголеми предноста од пет на осум бода или вториот ќе ја намали на два? На првиот дуел пред два месеца во Велес беше 6:3 за Вардар.
ТРЕТА ЛИГА – ЈУГ, 21. КОЛО (денеска од 17,30 ч.): Динамо – Обршани (игралиште со вештачка трева во Прилеп), Големо Коњари – Ново Црнилиште, Вардар – Превалец, Возарци – Младост, Слога – Марена, Бучин – Росоман.
