Обично во спортовите има возрасни категории на првенствата, а во шахот сите се групирани на едно место кога има турнири. Така и во Прилеп секој месец се одржува турнир Гран при, со учество на шахисти од сите генерации. На денешниот, во организација на ШК Прилеп, беа 16 учесници од кои највозрасен беше 79-годишниот Стефан Присаѓанец, додека најмал е 12-годишниот Давид Маркушески. Нивниот дуел заврши со реми.
По 15 кола прв е ИМ Тони Кироски со 14 поени (13 победи и две реми), втор Кире Николоски со 12,5, трет Дејан Ѓорѓиески со 12, четврти Марјан Дамчески со 11, петти Матеј Ѕвездакоски со 10,5. Тие се добитници на парични награди.
Следниот турнир од оваа серија е во наредниот месец.
