Како минуваат деновите откако стартуваа тренинзите на 27 јули, се подобри вести доаѓаат од машкиот ракометен суперлигаш Прилеп. Покрај потписот за останување на левото крило Христи Бикоски, се случи и скусување на списокот заминати. Така, средниот бек Марио Гичев одлучи да остане иако претходно беше споменуван заедно со заминатите Зураби Цинцадзе, Казеин Рустамов, Хари Павлов, Владимир Трајкоски, Даниел Андоновски и Марко Трајковски. Новиот тренер-играч Реваз Чантурија ќе може да смета и на Мириани Гавашелишвили, Давор Шокоски, Стефан Лозаноски, Филип Адамчески, Мартин Карафилоски, Никола Стојкоски, Лео Дамчевски, Иван Ангелески, Стефан Христоски и ред други помлади ракометари кои минатата сезона беа во клубот. А ќе има и новодојдени, како што е повратникот, пивотот Пеце Ѓорѓиески, досегашен член на Струга.
Покрај тренинзи, од следната недела ќе има пријателски мечеви на Прилеп.
