Машкиот ракометен суперлигашки тим Прилеп со две победи – 28:26 над грчкиот ПАОК и 27:26 со Струга влезе во финалето од седмиот Меморијален турнир „Миле Нешковски“ во Прилеп. Претстои шансата оваа екипа по првпат да го освои победничкиот пехар. Претходно двапати победник беше битолски Еурофарм Пелистер, по еднаш Охрид, кавадаречки Тиквеш, скопските Пролет и Металург 2. Денеска во 13 часот во салата на СОУ „Ристе Ристески – Ричко“ Прилеп во финалето ќе се сретне со српската Дубочица, која дотаму стигна преку победите над скопските, Мулти есенс со 35:22 и Скопје со 39:29.
На турнирот денеска има меч за 5. место од 9 часот (Мулти есенс – ПАОК), за 3. место од 11 часот (Скопје – Струга).
