Српската Дубочица е победник на седмиот Меморијален ракометен турнир „Миле Нешковски“ во Прилеп. Во финалето тимот од Лесковац со 36:24 беше подобар од домашниот Прилеп. Почетокот им припадна на прилепчаните, потоа беше рамноправна игра, за до одморот гостите преминат во водство кое постојано го зголемуваа. Дубочица заслужено е прва, со оглед на трите победи и вкупната гол-разлика од плус 36 (39:29 со Скопје, 36:22 со Мулти есенс и 36:24 со Прилеп). Прилеп во групната фаза победи со ПАОК 28:26 и со Струга 27:26.
Конечниот редослед на табелата е: Дубочица, Прилеп, Скопје, Струга, ПАОК и Мулти есенс. Првпат странска екипа го освојува турнирот, бидејќи претходно двапати победник беше битолски Еурофарм Пелистер, по еднаш Охрид, кавадаречки Тиквеш, скопските Пролет и Металург 2. Најдобар голман на турнирот е Ѓорѓи Ерманоски (Мулти eсенс), најдобар стрелец со 25 гола е Давор Шокоски (Прилеп), најдобар играч Марко Радуловиќ (Дубочица).
Салата во СОУ „Ристе Ристески – Ричко“ беше исполнета со гледачи.
