Во натпревар од 1. рунда на новото првенство од ракометната машка Супер лига, скопски Алкалоид со 43:30 го совлада домашниот Прилеп.
Гостите, на чие кормило е легендарниот Кирил Лазаров, водеа во текот на целиот меч. Уште во првиот дел ја имаа иницијативата и по остварената разлика од пет гола (17:22) се насети нивниот триумф.
Во салата на СОУ „Ристе Ристески – Ричко“ и во второто полувреме ништо битно не се измени, така што реален е крајниот резултат од 30:43. Најефикасни кај домашниот тим Давор Шокоски со 8, Мириан Гавашелишвили и Пеце Ѓорѓиески по 6, а кај гостите Мартин Серафимов со 8, Божидар Илиески со 6 гола.
Ова беше меч од А-групата, каде Вардар Н. – Вардар С. 25:39, во тек е дуелот Бутел – Охрид, а утре се игра Струга – Куманово.
Во следната 2. рунда Прилеп му гостува на Охрид.
