Мошне ефикасно започна новото првенство од фудбалската Прва лига на Македонија за жени. Во Прилеп, на игралиштето со вештачка трева, домашната Деспина со високи 8:0 го совлада велешки Борец. Крајниот резултат е поради седумте гола во второто полувреме. До одморот домашните водеа со 1:0. Стрелци: Симона Тасева 6,55, Катерина Милеска 71, 75, 83, Жељана Максимовиќ 77, Михаела Настовска 81, Николина Батиниќ 90+2. Прилепскиот тим, очигледно, е многу посилен од минатото првенство и ќе атакува на позиции од горниот дел на табелата. Настапија: Шљиво, Тасева, Милеска, Петровска (78. Тодосова), Батиниќ, Боризоска (46. Љондевска), Ефтинџиоска, Павловска (89. Мојсоска), Илиевска (46. Настовска), Максимовиќ, Чубриноска (89. Трипчевска). Во следното 2. коло Деспина е гостин на екс-шампионот, Саса во Каменица.
На другите денешни мечеви, Речица (Куманово) – Саса (Каменица) 0:11, Скопје – Шкендија (Тетово) 5;3.
