Тиверија со 1:0 ја совлада Деспина на игралиштето со вештачка трева во Прилеп, во рамките на 3. коло од фудбалската женска Прва лига на Македонија. Пресудна беше 37. минута кога гол за гостинките постигна Србинката Маријана Јанков. Домашните се трудеа, настојуваа да израмнат, но без успех. Ова е втор пораз на Деспина, втор триумф на Тиверија, во чии редови се прилепчанките Ане Бошеска и Теодора Димоска. Во следното коло, вторник, Тиверија – Скопје, а Кочани – Деспина.
Други резултати: Скопје – Саса 0:5, Истатов – Шкендија 4:1, Љуботен – Ас унитед 5:1, Речица – Кочани, Кул здравје – Борец.
