Вечерва во 20,30 часот се игра првиот меч од 1. коло на Младинската лига на УЕФА помеѓу Колерајн (шампион на Северна Ирска) и Победа (шампион на Македонија). Двата клуба објавија последни пораки.
„Ова е неверојатно возбудлив период за клубот и момците пишуваат историја со тоа што за првпат го претставуваат Колерејн во Европа. Да излеземе и да ги бодриме овие млади фудбалери, кои се иднината на нашиот клуб“, порачуваат од Колерајн. По повод овој меч, тренерот Марти Смит зборуваше за ТВ Колерајн.
„Ден за историја! Срце на терен, момци! Со срце за Победа – со срце за Прилеп!Црвено – бели момци, направете не горди!“, се вели во пораката објавена на Фејсбук-страницата од ФК Победа.
Судиите на овој натпревар се од Велс.
