Попладнево (14 ч.) на Градскиот стадион „Гоце Делчев“ во Прилеп е мечот од 1/8-финалето на фудбалскиот Куп на Македонија, Победа – Македонија ЃП. Два прволигаша водат битка за едно место во следната фаза. Да се игра на неутрален терен, екипата од Скопје би била благ фаворит, но денеска Победа ја има поддршката од прилепската публика. Судат: Јован Качевски (Струга), Давор Цветаноски и Мартин Дејаноски (Кичево). Реванш нема.
ПОБЕДА: Тофилоски, Бошески, Ѓурковиќ, Стомнароски, Хани, Рамани, Паноски, Дадет, Мазари, Тодоров, Џејмс. Тренер: Бобан Бабунски.
МАКЕДОНИЈА ЃП: Стевковски, Зука, Мишевски, Илиевски, Лемос, Стоилов, Адем, Воша, Лазаревиќ, Скендери, Самаке. Тренер: Мите Митев.
