Екипата на Македонија ЃП и третпат есенва ја совлада Победа. Овојпат, се чини, најтешко, иако според резултатот 1:3 тоа така не изгледа. По лизгав терен се водеше голема борба, а во првото полувреме домашните беа сосема рамноправни, на периоди и подобри. Гостите први дадоа гол во 29. минута кога во празно беше проигран Агон Абази. Близу 1000 гледачи очекуваа офсајд, но акцијата продолжи и шутот заврши во мрежата. Прилепскиот тим не се предаде и возврати. Во 32. минута по корнер на Марио Наумоски, висок скок со глава и неодбранлив удар на Србинот Огњен Ѓурковиќ за израмнување на 1:1.
Второто полувреме беше со тврда игра, а пресуден момент може да се смета 59. минута. Тогаш Емир Скендери со остар удар од дистанца погоди во десниот долен агол за 1:2. Домашните имаа желба да израмнат, но се се заврши во 81. минута. По шут од дистанца на Адама Самаке од Брегот на Слоновата Коска, голманот Дарко Тофилоски кусо одби, тука беше Филип Алексовски на кого не му беше тешко да зголеми на 1:3. Прилепчаните пак очекуваа офсајд, но голот е признат.
ПОБЕДА (4-3-3): Тофилоски – Ѓурковиќ (68. Бошески), Делов, Стомнароски, Паноски (46. Хани) – Дадет (86. Рамани), М. Наумоски (58. Тодороски), Галевски – Петејчук (58. Тодоров), Мазари, Б. Спиркоски.
МАКЕДОНИЈА ЃП (4-3-3): Стевковски – Лазаревиќ, Мишевски, Личина, Зука – Стоилов, Самаке, Стојкоски (66. Адем) – Лемос, Скендери (72. Алексовски), Абази (58. Воша).
СТАТИСТИКА ПОБЕДА – МАКЕДОНИЈА ЃП
6/4 удари/в гол 8/5
5 корнери 3
17 прекршоци 11
1 офсајди 1
5 жолти картони 3
РЕЗУЛТАТИ: Победа – Македонија ЃП 1:3, Шкендија – Академија Пандев 1:1,Работнички – Струга 1:1, Брегалница – Тиквеш 2:1. Вчера Скопје – Силекс 0:0.
СЛЕДНО 15. КОЛО (12 ноември во 13 ч.): Шкупи – Скопје, Тиквеш – Работнички, Струга – Шкендија, Академија Пандев – Силекс. На 13 ноември Македонија ЃП – Брегалница. Победа е слободна се до 27 ноември кога е 16. коло и дуелот дома со Шкупи.
ВИДЕО-ИЗВЕШТАЈОТ СО ШАНСИ И ГОЛОВИ Е ОВДЕ:
