Годинава на 59 години почина Небојша Вучичевиќ, легендарен фудбалер на белградски Партизан. Тој на прилепската јавност и е познат по тоа што двапати со ветеранската екипа на Партизан учествуваше на турнирот во мал фудбал „Свети Никола“ пред десет-единаесет години. Тогаш тој ја прифати иницијативата најфудбалскиот град да биде место каде ќе се соберат ветеранските екипи од некогашната голема југословенска четворка Звезда, Партизан, Динамо и Хајдук, плус Победа и Вардар.
– Прекрасно, сите ќе прифатат. Во 1981-82 служев војска во Битола, а фудбал гледав во Прилеп. Овде е најдобро место за спектакуларен турнир, да се “стресе” цел Балкан – рече Вучичевиќ во 2012 година.
За Партизан играше од 1984 до 1989.
.
