Младинската екипа на ППК Младост96 од Прилеп учествуваше на традиционалниот турнир „Трофеј на Подгорица“,од каде се враќа со два бронзени медала. Давид Јоноски и Васе Богоеска освоија трети места во своите категории, во У12 и во У19. Јоноски извојува три победи во групата и уште две победи во елиминациониот дел, а во полуфиналето е поразен од играч од Косово со 3-0. Богоеска беше на дофат и до вториот медал ,во сениорска конкуренција каде за влез во полуфиналето загуби од црногорската натпреварувачка Вујовиќ со 3-2 во сетови ,иако во петтиот одлучувачки сет имаше водство од 7-4.
Поддршка на пингпонгарите беа членовите на клупското раководство, Марјан Матракоски и Златко Рикалоски, кои го најавија следниот голем настан, вториот Меморијалниот меѓународен турнир Илија Карески – Каре, на 11 и 12 февруари во Прилеп.
