Двократниот државен шампион на Македонија, Младост 96 се раздели со досегашниот тренер Гоце Тошески, кој заминува во Шведска, така што останува да се пополни празното место. Во клубот се уште бараат решение. Според она што досега се зборува, поприфатливо е назначување тренер од сегашниот играчки кадар, во споредба со опцијата за доведување стручњак отстрана. Засега, како кандидат се споменува Андреј Лашкоски во двојна улога играч-тренер. Но, треба да се причека за конечната одлука, во пресрет на почетокот на подготовките.
Екипата Младост 96 е есенски првак и нема потреба од менување на играчкиот кадар, со кого се оди кон нова титула во Супер-лигата.
