Во големата сала од Собранието на Општина Прилеп, вечерва се одржа средба на сегашни и некогашни спортисти, спортски работници и спортски љубители, на која тема беше Универзалната сала, објект десетина години затворен. Притоа, беше потпишана петиција (колективно писмено барање) до Агенцијата за млади и спорт. Свои потписи (клупските претставници и печати) на петицијата ставија сите што беа во салата, исполнета безмалку до последното место. На овој начин преку Агенцијата за млади и спорт се бара решение салата од Јавното претпријатие за стопанисување со станбен и деловен простор да биде дадена на Општина Прилеп, каде ќе се бараат можности за нејзино профункционирање.
Во врска со ова, изјави за медиумите дадоа: Рубинчо Седлоски (претседател на Иницијативниот одбор, спортски работник од ракометот), Здравко Ристески (професор по физичко, претседател на општинскиот Сојуз за училишен спорт), Данаил Домлески (претседател на КК Мега баскет), Киро Здравески (ветеран од ЏК Сеишин), како и градоначалникот д-р Борче Јовчески.
– Како градоначалник на Прилеп, цврсто ја поддржувам оваа иницијатива на спортските клубови, на бившите, сегашните и идните спортисти да може да им овозможеме Универзалната сала да ја ставиме на располагање. Развојот на спортот беше приоритетна точка во мојот мандат, така што ова барање кое го упатуваме кон оние коишто треба да ни го одобрат, треба да размислуваат повеќе спортски а не политички. Сметам дека главниот клуч го има Јавното претпријатие за стопанисување со деловни и станбени објекти, исто така и Владата на Република Македонија… – рече, меѓу другото, Јовчески.
Видео од сите изјави на следниов линк:
https://www.facebook.com/ShampionMK/videos/6068090693255020
Натаму се разви дискусија во која се вклучија многумина, како Горан Стојаноски (некогашен ракометар), Александар Дамески (кошаркарски работник), Круме Спиркоски (некогашен спортски работник), Димитар Богдан (некогашен ракометар), Стевче Талески (фудбалски тренер)…
Видео од дискусијата на следниов линк:
