Попладнево (15 часот) на Градскиот стадион „Гоце Делчев“ во Прилеп е дуелот Победа – Силекс од 24. рунда на Првата фудбалска лига на Македонија. Ова е трет дуел на овие ривали. Есеноска Победа со 3:0 победи во Кратово, а пред две недели во Прилеп победи Силекс со 4:1, па билансот е израмнет, дури и во головите, 4:4. Формата е на страната на гостите, па ќе видиме дали ќе можат да ја оправдаат улогата на фаворити. Во нивните редови се бившите „победаши“ Андреј Петкоски, Дарко Анѓелески и Хамза Рамани. Од друга страна, во прилепскиот клуб постојано потенцираат дека предавање нема се додека има шанси за опстанокот, па се очекува голема борба и давање максимум. Судија на овој меч е Ндерим Тефику (Куманово), помошници Мартин Петковски (Куманово) и Филип Ицковски (Скопје).
ПОБЕДА: Котевски, Хани, Стомнароски, Паноски, Алиу, Кудијан, Дадет, Јованов, Аризанкоски, Наумоски, Дујовски. Тренер: Благојче Дамевски.
СИЛЕКС: Божиновски, Љамалари, Милосављевиќ, Катаниќ, Ристовски, Серафимовски, Стојчевски, Ристески, Рамани, Ефтимов, Николиќ. Тренер: Горазд Михајлов.
САБОТА: Победа – Силекс, Тиквеш – Македонија ЃП, Академија Пандев – Шкупи, Работнички – Струга. НЕДЕЛА: Скопје – Шкендија.
ТАБЕЛА: Струга 43, Шкупи 41, Шкендија 38, Силекс 35, Брегалница 32, Тиквеш 28, Македонија ЃП 26, Работнички 24, Академија Пандев 19. Скопје 14, Победа 13.
