Вечерва во Тетово, на дерби-мечот од кошаркарската Трета лига Б-група водечкиот Мега баскет од Прилеп со 71:65 е поразен од домашниот Тетекс, второпласиран на табелата. Ова е прв пораз на прилепскиот тим, по 11 победи во серија. Меѓутоа, од таборот на Мега баскет се жалат на тенденциозното судење на нивна штета. Според нив, имале водство од 6 поена разлика на три минути до крајот. Тогаш останале на паркетот со само тројца кошаркари, бидејќи другите биле исклучени со по пет лични грешки. Ова ретко, многу ретко се случува.
РЕЗУЛТАТИ: Тетекс – Мега баскет 71:65, Љуботен – Дибра иглс 58:78, Хераклеја – Спарта 69:77. ТАБЕЛА: Мега баскет и Тетекс 23, Гостивар 2, ИБА баскет, Хераклеја и Дибра иглс 18, Спарта 17, Љуботен 11. СЛЕДНО 17. КОЛО: Мега баскет – Хераклеја, Спарта – Љуботен, Дибра иглс – Гостивар 2.
