Сениорите на Победа отпаднаа од Првата лига, но мошне важно е што Младинската школа успеа да остане член на Супер лигата. Освоено е 10. место со 104 бода, над клубовите што отпаднаа – Куманова со 83 и Охрид со 55 бода. Опстанокот е обезбеден порано од последното 22. коло, во кое вчера и денеска се постигнаа овие резултати на дуелите Победа – Македонија ЃП 2:0 (помлади пионери), 1:1 (постари пионери), 0:3 (кадети), 3:2 (младинци).
КОНЕЧНА ТАБЕЛА: Македонија ЃП (Скопје) 169, Работнички (Скопје) 160, Академија Пандев (Струмица) 157, Пелистер (Битола) и Шкендија (Тетово) 139, Вардар (Скопје) 135, Шкупи (Скопје) 126, Брегалница (Штип) 124, Кул здравје (Скопје) 115, Победа (Прилеп) 104, Куманова 83, Охрид 55.
На посебните табели, кај помладите пионери првак е Шкендија со 44 бода – Победа е 12. место со 19, кај постарите пионери првак е Пелистер со 48 – Победа е 11. место со 19, кај кадетите првак е Кул здравје со 44 – Победа е 9. место со 29, а кај младинците шампион е Македонија ЃП со 54 бода – Победа е на 6. место со 37.
Школата на Победа ќе постигнеше многу повеќе доколку не беше преместувањето на играчите од една во друга категорија, почнувајќи од младинци во сениори – што повлекува од кадети во младинци, од постари пионери во кадети, од помлади во постари пионери. Од клубот има репрезентативци во сите категории.
