За Алекс Константино Горгиовски е чудно што не е познат за нашата јавност, но тој е фудбалер кој ќе учествува на Светското првенство до 17 години во Индонезија. Интересно е и тоа што тој вчера стана член на прилепска Победа, за која има одиграно еден пријателски натпревар – дома со Пелистер. А на Светското ќе оди во составот на Нов Зеланд, земја каде е роден. Тој има двојно државјанство – македонско и новозеландско.
Се работи за многу млад играч, со 16 години (на 2 септември полни 17) и игра во средниот ред. Во Победа доаѓа од Беласица, а претходно има настапувано за скопските Кул здравје, Работнички и Македонија ЃП.
Светското во Индонезија е од 10 ноември до 2 декември.
