Попладнево (17 ч.) се играат натпреварите од 1. коло од Втората фудбалска лига на Македонија, во чија рамка и мечот Победа – Тетекс. Интересен дуел, имајќи ја предвид долгодецениската традиција на ривалство меѓу двата тима. Тетовскиот тим по долги осум години гостува на Градскиот стадион „Гоце Делчев“. Во врска со овој натпревар изјава има од капитенот на Победа Јорданчо Наумоски.
– Двата тима имаат речиси израмнет квалитет. Тетекс има четири-пет поискусни играчи, а другите се млади. Нашата предност може да биде публиката која очекувам да не поддржи во голем број.
Победа во летниот преоден рок се засили со осум нови играчи.
Останати двојки: Башкими – Охрид, Осогово – Беса, Беласица – Пелистер, Новаци – Аресими, Саса – Скопје, Детонит – Вардар (Н) и Кожуф – Караорман.
