Ракомет

(фото+видео) ДВАНАЕСЕТКРАТЕН ШАМПИОН ГОСТУВА ВО ПРИЛЕП!

Се е подготвено за одржување на четиридневниот Осми меморијален ракометен турнир „Миле Нешковски“ во Прилеп, според она што беше кажано на прес-конференцијата од членовите на Организацискиот одбор, Рубинчо Седлоски (претседател на Организацискиот одбор, претседател на Судискиот збор од Прилеп) и Никола Чадамов (потпретседател на РК Прилеп, претставник на компанијата Комфи ангел). На пресот во хотелот „Атлас“ беше потврдено учеството на 8 екипи во две групи. Во А-групата се екипите Прилеп, Дубочица Лесковац (Србија), Скопје и Струга, во Б-групата Кокс (Финска), Еурофарм Пелистер 2 (Битола), Пролет и Мултиесенс (Скопје). Особено интересни се екипите од странство. За Дубочица многу се знае, клуб кој во Прилеп гостувал на првенствени натпревари во Втората југословенска лига, а на пријателски на некогашниот турнир „Гана – Мери“. Минатогодишен победник е на турнирот „Миле Нешковски“. Во врска со Кокс, тоа е клуб 12-годишен шампион на Финска, актуелен вицешампион. Има учества и во Лигата на шампионите. Првпат гостува во Прилеп.

Отворањето е в петок во 12 часот пред Универзалната сала со положување цвеќе на споменикот од Миле Нешковски, а првиот натпревар од 14 часот во салата на СОУ „Ристе Ристески – Ричко“, каде влезот за ракометните љубители е слободен. Натпреварите ќе ги водат најдобрите македонски судии. Награди има за најдобрите три екипи, за голман, стрелец и играч. Има и награда за животно дело, за придонес кон прилепскиот ракомет.

Минатата година турнирот го освои Дубочица, пред Прилеп, Скопје, Струга, ПАОК (Грција) и Мулти есенс. Најдобар голман беше Ѓорѓи Ерманоски (Мулти eсенс), стрелец со 25 гола Давор Шокоски (Прилеп), играч Марко Радуловиќ (Дубочица), а наградата за животно дело ја доби легендарниот ракометар и тренер Ангеле Гулески.

ВИДЕО од прес-конференцијата на линкот:

 

Од категоријата

ДЕСНО КРИЛО ОД СТРАНСТВО ДОАЃА ВО ПРИЛЕП

Зоран Иге

(фото+видео) ПРИЛЕП СО НОВ РАКОМЕТАР НА „МИЛЕ НЕШКОВСКИ“, ДЕНЕСКА ОТВОРЕНИОТ ТУРНИР!

Зоран Иге

УНИВЕРЗАЛНАТА САЛА ДА СЕ ВИКА „МИЛЕ НЕШКОВСКИ“

Зоран Иге

This website uses cookies to improve your experience. We'll assume you're ok with this, but you can opt-out if you wish. ДА Повеќе